Astanada salynyp jatqan turǵyn úıdiń shatyry órtenip jatyr
ASTANA. KAZINFORM — Astananyń Esil aýdanynda salynyp jatqan bes qabatty turǵyn úıdiń aýmaǵynda órt shyqty, dep habarlaıdy TJM baspasóz qyzmeti.
Órt Aqmeshit kóshesi, 7/1 mekenjaıynda bolǵan. Aldyn ala málimet boıynsha, ǵımarattyń shatyry janǵan.
— Oqıǵa ornyna elordalyq órt sóndirý bólimderiniń kúshteri jedel jetti. Qazirgi ýaqytta órtti sóndirý jumystary joǵary rang boıynsha júrgizilip jatyr, — delingen habarlamada.
Vedomstvo atap ótkendeı, aldyn ala málimet boıynsha, zardap shekkender joq. Oqıǵanyń mán-jaıy naqtylanyp jatyr.
Órtti sóndirýge 35 órt sóndirýshi jáne 14 arnaıy tehnıka jumyldyrylǵan.
Buǵan deıin Shyǵys Qazaqstan ormandarynda bıyl 70-ten astam órt shyqqanyn jazǵanbyz.
