Astanada Salaýattylyq ádetter marafony bastaldy
ASTANA. QazAqparat - QR Densaýlyq saqtaý mınıstrliginiń Qoǵamdyq densaýlyq saqtaý ulttyq ortalyǵy Astana qalasy Densaýlyq saqtaý basqarmasymen birlesip Salaýattylyq ádetter marafonyn bastady.
Bul týraly QazAqparat QR Densaýlyq saqtaý mınıstrligi Qoǵamdyq densaýlyq saqtaý ulttyq ortalyǵynyń baspasóz qyzmetine silteme jasap habarlaıdy.
«Saýlaýattylyq ádetter marafony» aktsııasy qalalyq máslıhat depýtattarynyń, meslekettik qyzmetkerlerdiń, medıtsınalyq qoǵamdastyqtyń, sportshylardyń, úkimettik emes uıymdardyń jáne elorda turǵyndary men qonaqtarynyń qatysýymen «Densaýlyq kepili - Býd zdorov! - Be healthy!» uranymen ótti.
Uıymdastyrýshylar: QR Densaýlyq saqtaý mınıstrliginiń Qoǵamdyq densaýlyq saqtaý ulttyq ortalyǵy, Astana qalasy Qoǵamdyq densaýlyq saqtaý basqarmasy jáne Astana qalasy Salaýatty ómir saltyn qalyptastyrý ortalyǵy.
Іs-shara baǵdarlamasynda: fleshmob, shatyr astynda Densaýlyq qalashyǵynyń jumysy, shuǵyl járdem daǵdylaryna úıretý jáne t.b. Aktsııa aıasynda onkolog, kardıolog, ftızıatr, rentgen-laborant, endokrınolog, pedıatr, salaýatty ómir salty mamandaryn tartýmen mobıldi medıtsınalyq brıgadalar jumys istedi. Beıindi mamandar turǵyndarǵa konsýltatıvtik-dıagnostıkalyq kómek kórsetti.
Qurmetti qonaqtar qatarynda qazaqstandyqtardyń arasynda salaýatty ómir salty mádenıetin qalyptastyrýǵa úles qosqan ardagerler, ataqty sportshylar, ártister.
Óz sózinde Qoǵamdyq densaýlyq saqtaý Ulttyq ortalyǵynyń bas dırektory Ýalıhan Ahmetov, Elbasy «Tórtinshi ónerkásiptik revolıýtsııa jaǵdaıyndaǵy jańa múmkindikter» atty Joldaýynda salamatty ómir saltyn nasıhattaı otyryp, qoǵamdyq densaýlyqty basqarý isin kúsheıtý qajettigine nazar aýdarǵanyn atap ótti. Joldaýdy iske asyrý maqsatynda Densaýlyq saqtaý mınıstrligi halyqty salaýatty ómir salty qaǵıdattary týraly aqparattandyrýǵa baǵyttalǵan qoǵamdyq densaýlyqty nyǵaıtý jóninde Jospar ázirledi.
Ol, sondaı-aq memleket Basshysy qazaqstandyqtardy sportpen shuǵyldanýǵa shaqyrǵanyn jáne «Challenge Sen basqasyń!» sporttyq bastamasyn qoldaǵanyn aıtty.
«Densaýlyk» memlekettik baǵdarlamasy aıasynda múddeli taraptarmen ózara árekettestik negizinde halyqtyń minez-qulyqtyq stereotıpterin oqý-aǵartý, konsýltatsııalar, salaýatty ómir saltyn nasıhattaý arqyly densaýlyǵyn saqtaý maqsatynda Qoǵamdyq densaýlyq saqtaý qyzmeti quryldy.
«Búgin biz Salaýattylyq ádetter marafonyn bastap otyrmyz. Qarapaıym is-áreketter ár adamǵa aýrýdyń aldyn alýǵa jáne ómir súrý sapasyn arttyrýǵa múmkindik beredi. Bas qalamyzdyń 20 jyldyǵy aıasynda Astana Salaýattylyq ádetter marafonyn bastap, estafetany elimizdiń basqa da óńirlerine berýde»,-dedi ortalyq basshysy.
Salaýattylyq ádetter marafony aıasynda dastarhannan tuz solonkasyn alyp tastaý; táýligine 2 lıtr sý ishý; kúndelikti 10 000 qadam júrý sııaqty usynystar jasaldy. Qoǵamdyq densaýlyq saqtaý Ulttyq ortalyǵynyń, qala, Almaty aýdanynyń, Densaýlyq saqtaý basqarmasymen basshylyǵy ózderi úlgi-ónege bolyp, saý ádetterdi ustaýshylyq jolyn kórsetip, stantsııalardy ótýmen manekendi qoldanyp, júrek-ókpeni reanımatsııalaý kezinde shuǵyl kómek kórsetý daǵdylaryn kórsetti.
Marafonǵa qatysýshylar, dostaryn, týǵan-týysqandaryn, áriptesterin, tanystaryn óziniń tańdaýy boıynsha fastfýdtan, gazdy sýsyndardan, tátti taǵamdardan bas tartýǵa, jemis-jıdekter tańdaýǵa, 100 ret sergitý jattyǵýlaryn jasaýǵa jáne estafetany ary qaraı «Al Sizdiń qolyńyzdan kele me» uranymen jalǵastyrýǵa shaqyrdy.
Marafon búkil elimizde «Densaýlyk joly» aıasynda ótedi jáne aýrýlardy erte dıagnostıkalaýǵa, qarapaıym erejelerdi saqtaý jolymen densaýlyqty saqtaýǵa jáne ómir súrý sapasyn jaqsartýǵa múmkindik beredi.
