Astanada sal aýrýyna shaldyqqan jastardyń taǵdyryn sýretteıtin fılm kórsetiledi

ASTANA. QazAqparat - Búgin elordada BTsP-men aýyratyn jastardyń taǵdyryn sýretteıtin fılm kórsetiledi. Bul jaıynda QR Mádenıet jáne sport mınıstri Arystanbek Muhamedıuly Feısbýktegi paraqshasynda jazdy, dep habarlaıdy QazAqparat tilshisi.

«Búgin keshke Astanada erekshe fılmniń tusaýkeseri bolady. Bizdiń mınıstrliktiń tapsyrysymen «Jańa álem» ARDI vıdeostýdııasy jáne «Qazaqfılm» kınostýdııasy birlesip, «Qyz ben teńiz» tolyqmetrajdy kórkem fılmin túsirdi. Bul áleýmettik dramaǵa Múgedek balalardyń ata-analar qaýymdastyǵy qamqorlyǵyna alǵan Dınara Sháripovanyń ómirindegi shynaıy oqıǵalar negiz bolǵan. Týyndy BTsP-men (balalardyń tserebraldy paralıchi) aýyratyn jastardyń taǵdyryn sýretteıdi. Sıýjet barysyn ashyp, spoıler jasaǵym kelmeıdi. Osy dramalyq kınotýyndynyń árbir kadryna, árbir sózine jan berip, shyn kóńilimen túsirgen jastarǵa qoldaý kórsetip, mindetti túrde kınoǵa kelińizder», -dep jazdy mınıstr.

Kınotýyndy stsenarıiniń avtory jáne qoıýshy rejısseri - Ázızjan Zaırov jáne Muhamed Mamyrbekov.

Fılm «Saryarqa» saýda ortalyǵyndaǵy «Kinopark 8 IMAX Saryarka» kınoteatrynda kórsetiledi.