Astanada «Saǵyndyrǵan ánder-aı!» retro án keshi ótedi
ASTANA. QazAqparat - «Saǵyndyrǵan ánder-aı» - jyl saıyn ótetin dástúrli retro án keshi. Saǵyndyrǵan sonaý jyldardy ánniń qudiretimen eske túsiretin kesh kózi qaraqty kórermenniń kózaıymyna aınalyp úlgerdi.
Bul jobanyń avtory jáne uıymdastyrýshysy «Maıra» prodıýserlik ortalyǵynyń dırektory Maıra Іlııasova bıyl qazaq estradasynyń jaryq juldyzdarynyń basyn qosyp, áserli án keshin Astanada uıymdastyrmaq.
Qazaq sahnasynda jyldar boıy kórermenge ásem ánderiń usynyp, óner álemine eńbegi sińgen aǵa býyn «Dosmuqasan» toby, Roza Rymbaeva, Eskendir jáne Birjan Hasanǵalıevter, Nurǵalı Núsipjanov, «MýzArt» toby, «Nurmuqasan» toby, Nurjamal Úsenbaeva, t.b. jas býyn ánshileri «Jigitter» toby, Almas Kishkenbaev, Janar Doǵalova, Tóreǵalı Tóráli, Sanda, t.b óner juldyzdary bir sahnada toǵysady.
Siz oılamaǵan tosyn syılar kórermendi tańqaldyryp, Siz kútpegen dýetter jyl jańalyǵyna aınalady. 40 jyl sahnada óner kórsetken Roza Rymbaeva men jas ánshi Serik Ibragımov, qońyr daýysty Meırambek Bespaev pen Álı Oqapov, Halyqaralyq «Slavıan bazary» baıqaýynyń Gran prı ıegeri Dımash Qudaıbergenov pen kóptegen án baıqaýlarynyń jeńimpazy Álisher Kárimov dýet bop shyrqaıtyn bolady! Elordanyń turǵyndary men qonaqtaryna arnalǵan umytylmas juldyzdar sherýi 16 qarasha kúni, saǵat 19:00-de «Qazaqstan» ortalyq kontsert zalynda ótpek.
