Astanada «Saǵattar syr shertedi» kórmesi ashyldy

Uıymdastyrýshylardyń aıtýynsha, atalmysh kórme ýaqyt pen tarıhtyń tylsym da ajyraǵysyz baılanysyn beıneleıdi.

Kórmege Shveıtsarııa, Avstrııa, Reseı elderinen shyqqan «Longines», «Omega», «Orient», «Slava», «ıAntar», «Pavel Býre» syndy san alýan belgili saǵat markalary, sondaı-aq aty ańyzǵa aınalǵan tulǵalardyń qol saǵattary jáne osy taqyrypqa saı 50-den astam ózge de jádiger qoıylǵan.

Sonymen qatar kórme qonaqtary XIX-XX ǵasyr sheberleriniń týyndylaryn, klassıkalyq stılde áshekeılengen qabyrǵa saǵattardyń ártúrli úlgilerin, kúndelikti jáne qalta saǵattarynyń erekshe dızaınyn tamashalaı alady.

Táýelsiz Qazaqstan dáýirine jáne UOS kezeńine jatatyn saǵattar jádigerler arasynan aıryqsha oryn alady. Atap aıtsaq, Elbasy Nursultan Nazarbaevqa burynǵy Lıtva Prezıdenti A.Brazaýskas tartý etken ústel saǵaty, aqyn Maǵjan Jumabaevtyń, daryndy qazaq matematıgi Álimhan Ermekovtiń saǵattary erekshe qyzyǵýshylyq týdyrýda.

«Murajaı qorynda saqtaýly jatqan tarıhı jádigerler kóp, biz búgingi kórme arqyly sol muranyń bir shoǵyryn jurtshylyq nazaryna pash etýdi jón kórdik, ár jádiger - tarıh tuńǵıyǵynyń bir tamshysy ispetti ótken oqıǵany urpaq esine salady», - dedi sharanyń ashylý saltanatynda sóz sóılegen Prezıdenttik Mádenıet ortalyǵynyń dırektory Myrzataı Joldasbek.

Kórmede jurtshylyq nazaryna usynylǵan jádigerler QR Prezıdenttik mádenıet ortalyǵynyń qorynan alynǵan.

«Saǵattar syr shertedi» kórmesi 25 mamyrǵa deıin jumys isteıdi.