Astanada saǵattar kollektsııasy kópshilik nazaryna usynylady
ASTANA. QazAqparat - Búgin Qazaqstan Respýblıkasy Tuńǵysh Prezıdentiniń Mýzeıinde Mýzeı jınaqtarynan «Ýaqyt Qudyreti» kórmesi ashylady. Mýzeı jınaqtarynyń saǵattar kollektsııasy alǵash ret kópshilik qaýymnyń nazaryna usynylmaq, dep habarlady qalalyq ákimdiktiń baspasóz qyzmetinen.
Ekspozıtsııaǵa saǵat jasaý óneriniń bıik shyńyna jetken ár túrli jáne sırek kezdesetin 60-tan astam týyndy qoıylady. Qazaqstan Respýblıkasy Tuńǵysh Prezıdentiniń Mýzeıine memlekettik saqtaýǵa berilgen N.Á. Nazarbaevqa ár jyldarda tabys etilgen dıplomatııalyq syılyqtar kollektsııanyń negizin quraıdy. Kórmege qoıylatyn jádigerler arasynda mehanıkalyq, kvartsty jáne elektrondy saǵattar, syıǵa berýshilerdiń arnaıy tapsyrysymen jasalǵan; HІH ǵasyrdan syr shertetin antıkvarıat; 3000 jylǵa deıin eseptelgen kúntizbelik jáne t.b. saǵattar bar. Qalta, qol, ústel, qabyrǵa, kamındik jáne edenge qoıylatyn saǵattar toptamasy erekshe kóz tartady. «Ýaqyt Qudyreti» kórmesi 2016 jyldyń 31 qańtaryna deıin jalǵasady.
