Astanada Saǵadat Nurmaǵambetovtiń júldesi úshin bokstan XVIII halyqaralyq týrnır bastaldy

Birneshe jyldan beri turaqty ótip kele jatqan bul týrnır tek elimizde ǵana emes, taıaý jáne alys shet elderge de keńinen tanymal. Jyl saıyn jarysqa 150-ge jýyq boksshy qatysady. Bıyl elordaǵa Qazaqstannyń barlyq oblystyq komandalarymen qatar Qyrǵyzstan, Irak, Mońǵolııa, Sırııa, Ózbekstan, Túrkimenstan, Tájikstan elderiniń kúrzi judyryq jigitteri kelgen. Budan bólek sharshy alańdaǵy shaıqasqa elimizdiń ulttyq quramasynyń da músheleri qatysady.

"Atalmysh týrnırdiń bıylǵy jylǵy negizgi erekshelkteri - onyń dál Uly Jeńis merekesi tusynda ótýi, ekinshiden Almatyda emes, alǵash ret Astanada ótkizilýi, úshinshiden, qatysýshy sheteldik quramalar sanynyń ósýi. Týrnırge ulttyq quramadan bólek, 7 shetel komandalary qatysýda", - dedi Qorǵanys mınıstrligi Sport komıteti - Armııashylardyń ortalyq sport klýbtarynyń tóraǵasy Erlan Talasbaev.

Onyń atap ótkenindeı, halyqaralyq týrnır endi budan bylaı Astanada ótip otyratyn bolady.

Aıta keteıik, osy baıraqty básekege qatysqan elimizdiń talaı sańlaqtary, atap aıtqanda Serik Sápıev, Gennadıı Golovkın, Baqtııar Artaev, Muhtarhan Dildábekov, Erkebulan Shynalıevter Olımpıada jáne álem chempıonattarynda top jarǵan bolatyn.