Astanada Saǵadat Nurmaǵambetovtiń eskertkishi ashyldy

ASTANA. QazAqparat - QR Qorǵanys mınıstri Serik Ahmetov Keńes Odaǵynyń Batyry, Halyq Qaharmany, armııa generaly Saǵadat Nurmaǵambetovti eske alýǵa arnalǵan saltanatty is-sharaǵa qatysty, dep habarlaıdy QR Qorǵanys mınıstrliginiń baspasóz qyzmeti.

«Jas ulan» respýblıkalyq mektebinde ótken S.Q. Nurmaǵambetovtiń eskertkishiniń ashylý rásiminde mınıstr atalmysh sharanyń Qazaqstan Qarýly kúshteri úshin tarıhı mańyzdylyǵyn atap ótti.

Memleket basshysynyń bastamasymen jáne tikeleı qoldaýymen «Jas ulan» mektebine Saǵadat Nurmaǵambetovtiń aty berilgendigin atap ótken S.Ahmetov: «Bul oqıǵa QR tuńǵysh qorǵanys mınıstriniń Qazaqstan armııasyn qurýǵa sińirgen eńbegin taný bolyp tabylady», - dedi.

«Dańqty generaldyń ómir joly - áskerı qyzmetkerlerdiń talaı býyny úshin erlik pen Otanǵa shynaıy berilgendiktiń úlgisi bolady. Al, onyń esimi táýelsiz Qazaqstannyń tarıhynda jáne el esinde máńgilik qalady», - dedi S.Ahmetov.

Saltanatty is-sharaǵa sonymen qatar Uly Otan soǵysynyń ardagerleri, Parlament depýtattary, ortalyq memlekettik organdardyń ókilderi qatysty.