Astanada «S.Seıfýllın oqýlary-10» halyqaralyq konferentsııasy ótýde (FOTO)
ASTANA. QazAqparat - Búgin S.Seıfýllın atyndaǵy Qazaq agrotehnıkalyq ýnıversıtetinde aqıyq aqyn, kórnekti memleket qaıratkeri S.Seıfýllınniń 120 jyldyǵyna arnalǵan «SEIFÝLLIN OQÝLARY - 10: Memlekettiń ındýstrıaldy-ınnovatsııalyq saıasatyn qurýdaǵy básekege qabiletti kadrlardy daıyndaý keleshegi men ǵylymnyń róli» atty Halyqaralyq ǵylymı-teorııalyq konferentsııasy óz jumysyn bastady.
Osy alqaly jıyn barysynda eldiń agrarlyq-ónerkásiptik keshenin damytýdyń ındýstrıaldyq-ınnovatsııalyq joldary, ǵylym men bilim salasynda zertteý ýnıversıtetterin qurý týraly alys jáne taıaý shetelden arnaıy kelgen ǵalymdar pikiri tyńdalyp, osy másele tóńireginde qyzý pikirtalastar órbidi.
«Zertteý ýnıversıtetine transformatsııalaýdaǵy alǵashqy qadamdar» atty baıandamasynda ýnıversıtet rektory, professor Aqylbek Kúrishbaev ýnıversıttettiń bolashaqtaǵy damý baǵytyna keńinen toqtaldy. Ýnıversıtetimizdiń professorlyq - oqytýshylar quramynyń da biliktiligin kóterý baǵytynda keshendi jumystar atqarylyp, «Bolashaq» baǵdarlamasymen 45 ustaz biliktiligin kóterip kelgendigin, álemge tanymal ǵylymı-zertteý ınstıtýttar men ortalyqtarmen berik yntymaqtastyq áriptestik baılanys ornatylǵanyn baıandap ótti.
Sondaı-aq, Nazarbaev ýnıversıtetiniń Provosty Saıman Djonstyń ǵylymdy álemdik deńgeıge shyǵarýdyń múmkindikteri týraly saraptamasy tyńdalyp, AQ «Tehnologııalyq damý jónindegi ulttyq agenttiktiń» korporatıvtik damý jónindegi basqarýshy dırektory B.Aıtileý ındýstrıaldy-ınnovatsııalyq damýdaǵy ınnovatsııalyq saıasat jaıly baıandasa, Qazaqstan Respýblıkasy aýylsharýashylyq mınıstrliginiń vıtse-mınıstri E.Nysanbaev Qazaqstannyń agroónerkásiptik keshenin damytýdyń keleshegi týraly áńgimeledi.
Eýrazııa Ulttyq Ýnıversıtetiniń rektory E.Sydyqov S.Seıfýllınniń 120 jyldyǵyna oraı tanymal sákentanýshylardyń zertteý jumystaryna toqtala kele, ýnıversıtetke jańadan tabylǵan «Sákenniń qoshtasýy» atty óleń qoljazbasynyń túpnusqasyn tartý etti.
Konferentsııada memleketimizdiń agroónerkásiptiń keshenin ındýstrıaldy-ınnovatsııalyq damytý jaıly Polsha, Vengrııa, Estonııadan kelgen tanymal ǵalymdar men otandyq ǵalymdardyń tyń baıandamalary tyńdaldy.
Eki kúnge sozylatyn «S.Seıfýllın oqýlary-10» halyqaralyq konferentsııasy erteń de óz jumysyn jalǵastyrmaq.
