Astanada S. Nurmaǵambetov atyndaǵy halyqaralyq týrnırdiń fınaldyq básekeleri ótýde
ASTANA. 13 mamyr. QazAqparat - Búgin Astanadaǵy «Dáýlet» sport kesheninde Keńes Odaǵynyń Batyry, Halyq qaharmany, Armııa generaly Saǵadat Nurmaǵambetov atyndaǵy halyqaralyq boks týrnıriniń fınaly bastaldy.
Oǵan Halyq qaharmany S. Nurmaǵambetov qurmetti qonaq retinde qatysýda.
18 jyl boıy ótip kele jatqan dástúrli doda bıyl alǵash ret Astanada jalaýyn jelbiretti. Oǵan jyl saıyn alys jáne jaqyn shetelderden 150-den astam belgili sportshylar qatysady.
Aıta ketý kerek, Serik Sápıev, Gennadıı Golovkın, Bahtııar Artaev, Muhtarhan Dildábekov, Erkebulan Shynalıev jáne basqa da bylǵary qolǵap sheberleri ásker qatarynda júrip, dál osy týrnırde kózge túsken bolatyn.
Bıylǵy básekege elimizdiń oblystarynan 13 komanda, Irak, Mońǵolııa, Sırııa, Túrkimenstan, Tájikstan, Ózbekstan, Qyrǵyzstan elderinen 7 komanda, barlyǵy 125 boksshy qatysty. Fınalǵa 10 salmaq dárejesi boıynsha 20 sportshy shyǵyp otyr.
Esterińizge sala keteıik, jarys 8 mamyr kúni bastalǵan bolatyn.
