Astanada ruqsatsyz tastalǵan qaldyqtar joıyldy
ASTANA. QazAqparat - «Astana - ómir súrýge jaıly jáne qaýipsiz qala» baǵdarlama sheńberinde Esil aýdanynda ruqsat etilmegen jerge tastalǵan qaldyqtardy jınaý jáne tasymaldaý boıynsha senbilik uıymdastyryldy, dep habarlaıdy Astana ákimdiginiń resmı saıty.
Ondaǵy málimetterge qaraǵanda, eki kúnde polıgonǵa 647 tonna qurylys qaldyqtary shyǵaryldy. Aýdannyń ekologııalyq ahýalyn jaqsartý úshin jáne aýmaqty jınaýǵa qurylys kompanııalary men merdiger uıymdar usynǵan 33 samosval men 7 júk tasymaldaýshy tartyldy.
Jumystar úsh ýchaskede júrgizildi: Nura Esil kanaly, Qorǵaljyn tas joly, Q. Muhamedhanov kóshesiniń bas jaǵy. Esil aýdany ákiminiń apparatymen birge Esil aýdandyq AІB JPQ TQB ınspektorlarymen birlesip qurylys obektilerine komıssııalyq tekserý júrgizildi.
Aralaý barysynda qurylys obektilerinde abattandyrý erejesin buzý faktileri de anyqtaldy. Osyǵan baılanysty zań buzýshylarǵa eger anyqtalǵan kemshilikterdi joımaıtyn bolsa, ákimshilik jaýapkershilik qarastyrylatyny týraly 2 eskertý jasaldy.
