Astanada ruqsat etilmegen jerge qoıylǵan kólikter aıyp turaǵyna jóneltiledi
ASTANA. QazAqparat - Astana ishiki ister departamenti kólik ıelerine qar tazalaý mezgilinde kólikterin jol shetine qaldyrmaý jóninde keńes berdi, dep habarlaıdy «QazAqparat HAA» vedomstvonyń baspasóz qyzmetine silteme jasap.
«Kóp jerlerde qar tazalaý jumystary qıyndyq týdyrady. Arnaıy tehnıkalarǵa jol boıynda qańtarylǵan kólikter kedergi jasaıdy. Júrgizýshiler toqtaýǵa bolmaıtyn belgilerge nazar aýdarmaıdy, kórse de baıqamaǵansyp toqtaı salady», - deıdi tártip saqshylary.
Osyǵan baılanysty Astana qalasynyń polııatsııasy júrgizýshilerge resmı úndeý jasap, kólik ıelerin osy máselege jaýapkershilikpen qaraýǵa shaqyrdy.
«Budan bylaı ruqsat berilmegen jerge qoıylǵan kólikter, evakýatorlardyń kómegimen birden aıyp turaǵyna jóneltiledi», - dep habarlady vedomstvo ókilderi.
