Astanada ruqsat etilmegen jerge qoqys tókkenderge 2 mln teńge aıyppul salyndy
ASTANA. QazAqparat - Astana qalasynyń ІІD Jergilikti polıtsııa qyzmetiniń tabıǵatty qorǵaý polıtsııasy ruqsat etilmegen jerlerge qoqys shyǵarǵan, las suıyqtyqtardy tókkenderdi anyqtaýǵa kiristi, dep habarlaıdy qala ákimdiginiń saıty.
Shara EKSPO halyqaralyq kórmesi qarsańynda «Elordadaǵy qaýipsizdik pen jaılylyq» keshendi jospary boıynsha júrgizilýde.
Jergilikti polıtsııa qyzmetiniń habarlaýynsha, jyl basynan beri QR ÁQBtK 505-baby «Qalalar men eldi mekenderdiń aýmaqtaryn abattandyrý qaǵıdalaryn buzý, sondaı-aq qalalar men eldi mekender ınfraqurylymy obektilerin buzý, jasyl ekpelerin joıý jáne búldirý» boıynsha belgilenbegen jerge qar, qoqys shyǵarǵan, las suıyqtyqtardy tókken shamamen 95 júrgizýshi ákimshilik jaýapkershilikke tartyldy. Qoqys tókkenderge jıyny 2 mln teńge aıyp salyndy.
Sonymen qatar, 24 sáýirde Almaty aýdandyq ІІD JPQ tabıǵatty qorǵaý polıtsııasy qyzmeti belgilenbegen orynda qoqys tókken «Gazel» avtokóliginiń júrgizýshisin ustady. Abattandyrý erejelerin buzǵany úshin júrgizýshige 20 AEK (45 380 teńge) mólsherinde aıyppul salyndy.
