Astanada rýhanı jańǵyrý ıdeıasyna qurylǵan pesa sahnalandy
ASTANA. QazAqparat - Elordada Nursultan Nazarbaevtyń «Bolashaqqa baǵdar: rýhanı jańǵyrý» baǵdarlamalyq maqalasyndaǵy adam taǵdyryndaǵy damý men rýhanı jańǵyrýdyń basymdyǵy arqaý bolǵan qyrǵyz tilindegi pesa sahnalandy, dep habarlaıdy QazAqparat.
22 maýsym kúni «Beıbitshilik jáne Kelisim Saraıynyń» opera zalynda Asanáli Áshimovtiń 80 jyldyǵyna arnalǵan I Dúnıejúzilik «Astana» teatr festıvali aıasynda Qasymaly Jantoshev atyndaǵy Ystyq-Kól oblystyq mýzykalyq drama teatry Sábıt Dosanovtyń «Adamzattyń anasy» pesasyn sahnalady.
Qoıylym qyrǵyz tilinde qoıyldy. Kórermender arnaıy qurylǵy arqyly ilespe aýdarmany qazaq jáne orys tilderinde tyńdaýǵa múmkindik aldy.
Pesasynyń negizgi ıdeıasyna Nursultan Nazarbaevtyń «Bolashaqqa kózqaras: qoǵamdyq sanany jańǵyrtý» baǵdarlamalyq maqalasyndaǵy adam taǵdyryndaǵy damý men rýhanı jańǵyrýdyń basymdyǵy arqaý boldy.
Aıta keteıik, buǵan deıin Asanəli Əshimovtyń 80 jyldyǵyna arnalǵan l dúnıejúzilik "Astana" teatr festıvali shymyldyǵyn ashqandyǵyn habarlaǵan bolatynbyz .
