Astanada rýhanı Máýlit keshi ótedi
ASTANA. QazAqparat - 24 qańtarda saǵat 18:00-de Astanadaǵy Kongress-holl saraıynda «Adamzattyń abzaly» atty Máýlit rýhanı keshi ótedi. Bul týraly Astana qalasy ákiminiń resmı portaly habarlady.
Kesh barysynda jyr-termeler oryndalyp, sahnalyq qoıylymdar kórsetiledi. Ýaǵyz aıtylyp, beınerolıkter kórsetiledi. Keshtiń mańyzy men mánin arttyratyn sharada Muhammed paıǵambarǵa (s.ǵ.s) salaýattar oqylady.
Qazaqstan musylmandary dinı basqarmasynyń habarlaýynsha, kesh bıletterin meshitterden alýǵa bolady. Jınalǵan qarjy qaıyrymdylyq maqsattarda jumsalady.
Sharaǵa JOO dintaný mamandary, «Dintaný negizderi» pániniń muǵalimderi qatysady.
Aıta keteıik, Máýlit - bir aıǵa jalǵasatyn ıslam dinindegi basty merekelerdiń biri. Bul Muhamed paıǵambar týǵan aı dep sanalady.
