Astanada «Rýhanı mádenıet- álemdi jańartýdyń kilti» halyqaralyq ǵylymı-praktıkalyq konferentsııasy ótedi
ASTANA. 12 qyrkúıek. QazAqparat /Gúlmıra Alıakparova/ - 2011 jyldyń 17-19 qazany aralyǵynda Astana qalasynda «Rýhanı mádenıet- álemdi jańartýdyń kilti» atty halyqaralyq ǵylymı-praktıkalyq konferentsııa (Rýhanı kelisimge baǵyttalǵan 20 jyl) ótedi.
Beıbitshilik jáne Kelisim saraıynda ótetin konferentsııa barysynda qatysýshylar jahandy jańartý joldarynyń biri - rýhanı mádenıet taqyryby aınalasynda pikir almasatyn bolady.
Konferentsııa sheńberinde sondaı-aq, «Rýhanı kelisim týraly sóz» taqyrybyndaǵy merekelik keshti, Gollıvýd akteri, rejısser Armand Assanteniń «Qazaqstan. Búkilálemdik Rýhanı Mádenıet Forýmy» atty derekti fılminiń tusaýkeserin, Búkilálemdik rýhanı mádenıet forýmyna arnalǵan kitaptardyń tanystyrylymyn ótkizý josparlanǵan.
Onymen birge, Keńes Odaǵy men birqatar elderdiń halyq jáne eńbek sińirgen ártisi, belgili barıton Iosıf Kobzonnyń kontserti kútilýde.
Eske salaıyq, ótken jyldyń qazan aıynda Qazaqstannyń bas qalasy - Astanada álemdik aýqymda tuńǵysh ret Búkilálemdik rýhanı mádenıet forýmy ótti. Forýmǵa dúnıe júziniń 71 memleketinen álemge aty áıgili ǵalymdar men saıasat jáne qoǵam qaıratkerleri, mádenıet pen rýhanı ilim ustazdary qatysty.
