Astanada rojdestvolyq qaıyrymdylyq jármeńkesinde 38,5 mln teńge jınaldy

ASTANA. QazAqparat – Elordada ótken XIII rojdestvolyq qaıyrymdylyq jármeńkesinde dıplomattardyń jubaıy 38,5 mln teńge jınady, dep habarlaıdy QazAqparat tilshisi. Bıyl jármeńkege 41 eldiń ókilderi qatysqan, dep habarlaıdy QazAqparat tilshisi.

Dıplomattar jubaılarynyń qaýymdystyǵy (ASA) málim etkendeı, XIII Rojdestvolyq qaıyrymdylyq jármeńkesinde 38,5 mln teńge jınaldy. Sharaǵa ýnıversıtetterden 90 erikti kómektesken, oǵan tórt halyqaralyq mektep pen 13 qaıyrymdylyq uıymy óz stendterin usynǵan.

Qaýymdastyq eldegi 35 qaıyrymdylyq uıymymen tyǵyz baılanysta.

Sonymen birge, Rojdestvo qarsańyndaǵy qaıyrymdylyq jármeńkesinde Dıplomattar jubaılarynyń qaýymdystyǵy lotereıa oınatty. Júlde retinde: LADA X-Ray markaly avtokólik, 9 túrli baǵyttaǵy avıabıletter (7 halyqaralyq, 1 ishki jáne 1 áýe joldamasy), iri turmystyq tehnıka zattary, zergerlik buıymdar, álemge áıgili brend taýarlar, qonaq úıde turýǵa sertıfıkat, elordanyń úzdik meıramhanalaryna syılyq sertıfıkattary, ıoga sabaqtaryna arnalǵan abonementter oınatyldy jáne bı bıleý, SPA/massaj jáne kosmetıka bıletteri, keńsege arnalǵan oryndyqtar, balalar banketine bıletter, medıtsınalyq tekserýlerge joldamalar jáne elshilikterdiń dástúrli syılyq jınaqtary berildi.

Bul sharanyń negizgi maqsaty – Qazaqstandaǵy muqtaj uıymdardy áleýmettik turǵydan qoldaý. Barlyq túsken qarajat Qazaqstandaǵy qaıyrymdylyq maqsattarǵa jumsalady.