Astanada robottar «Qara jorǵany» bılep berdi
Onyń aıtýynsha, osy sanattaǵy robottardyń barlyq qural-jabdyqtary Ońtústik Koreıada jasalǵan. Ádil «humanoid» dep atalatyn robottardyń bul túrin ózi jınap qana qoımaı, olardy bıletetin arnaıy baǵdarlamany jazyp shyqty. «Men robottardy jınap alǵannan keıin negizgi blokqa qostym. Sodan soń USB jazyp shyqqan eki baǵdarlamany, bireýi basqarý úshin, al ekinshisi qozǵalys jasaý úshin engizdim. Robottardy bıletý úshin baǵdarlamada árbir qımyldy jadyda qaldyrý, ıaǵnı belgili bir pozıtsııany saqtaý arqyly tutas bir bı shyǵa keledi. Bir baǵdarlamanyń ishinde úsh bı bar. Sonyń ishinde qazaqtyń «Qara jorǵasy» da bar», - dedi Ádil Ordabaev QazAqparat tilshisine bergen suxbatynda.
Aıta keteıik, elordanyń «Astana» kontsert zalynda (burynǵy Kongress-xoll) Nazarbaev zııatkerlik mektepteriniń jetistikteri alǵash ret tanystyryldy. Onda ulttyq qolóner, kórkemsýret, gobelen, panno jáne tay basqa qoldanbaly óner salasydaǵy mektep oqýshylary óz qolymen jasaǵan buıymdardyń kórmesime qatar robototexnıka, ǵarysh, munaı-gaz, ınfraqurylym jáne óńdeý ónerkásibi boıynsha balalardyń oılap tapqan jobalary tanystyryldy. Shara aıasynda muǵalimderge arnalǵan sheberlik sabaqtary da uıymdastyryldy.
«Búgingi sharada biz balalardyń bilim alyp qana qoımaı, sol alǵan bilimderin is-áreketke de aınaldyryp jatqanyn kórsetkimiz kelip otyr. Olar ártúrli texnologııalardy paıdalanyp, ózimizdiń ulttyq ónerimiz, tarıxymyz ben dúnıetanymymyzben ushtastyryp jatyr. Men úshin eń úlken jetistik osy dep oılaımyn. Sebebi qulaǵynda kúmbirlegen kúıi qalǵan, qazaqtyń ásem ánniń úni qalǵan balanyń júregi «elim, jerim» dep soǵady», - deıdi «Nazarbaev zııatkerlik mektepteri» AQ basqarma tóraıymy Kúlásh Shámshıdınova. Osy oraıda Atyraý qalasyndaǵy Nazarbaev zııatkerlik mektebiniń oqýshysy Sáttiǵalı Joldasbaıdyń «aqyldy taqııa» jobasyn da erekshe atap ótýge bolady.