Astanada Rım Papasy Frantsıskti eske alý messasy ótti

ASTANA. KAZINFORM – Astanadaǵy Udaıy Kómek Qudaı Anasynyń Rım-Katolıktik prıhodynda Rım Papasy Frantsıskti eske alýǵa arnalǵan ǵıbadat etý rásimi ótti, dep habarlaıdy Kazinform agenttiginiń menshikti tilshisi.

– Arhıepıskop-mıtropolıt Tomash Peta dinshilderdi Qasıetti Áke Frantsısktiń rýhynyń tynyshtyǵy úshin duǵa etýge shaqyrdy. Onyń nıetiniń qasıetti messasy búgin keshke Astanadaǵy Áýlıe Marııa Arhıeparhııasynyń kafedraldyq soborynda ótedi, - dep habarlady prıhodta.

Seısenbi, 22 sáýir kúni saǵat 20:00-de Rım Papasy Frantsısktiń rýhyn tynyshtandyrýǵa arnalǵan jalpyqazaqstandyq duǵa oqylady. Astanadaǵy Kafedralyq sobordan tikeleı kórsetilim myna silteme arqyly qoljetimdi bolady. 

Buǵan deıin Rım Papasy Frantsısk 89 jasqa qaraǵan shaǵynda kóz jumǵanyn jazǵan bolatynbyz. 

Ol 1 200 jyldan astam ýaqyttan bergi Katolık shirkeýin basqarǵan birinshi ıezýıt, birinshi latynamerıkalyq jáne shyqqan tegi eýropalyq emes tuńǵysh Rım Papasy bolǵan edi. Rım Papasy qandaı isimen este qalǵany jáne onyń bıligi tusynda Qazaqstan men Vatıkannyń qarym-qatynasy qandaı arnada damyǵany jaıly Kazinform agenttigi menshikti tilshisiniń materıalynan oqyńyzdar.