Ushaqta ınsýlt alǵan japonııalyq naýqas aýrýhanadan shyqty

ASTANA. KAZINFORM – Insýlttan keıin Astananyń №2 qalalyq kópsalaly aýrýhanasynda em alǵan japonııalyq naýqas búgin shyǵaryldy. Onyń jaǵdaıy ortasha aýyrlyq dárejesinde dep baǵalanady. Bul týraly QR Densaýlyq saqtaý mınıstrliginiń baspasóz qyzmeti habar taratty.

Esterińizge sala keteıik, 17 tamyzda Tokıodan Tsıýrıhke ushqan Swissair avıakompanııasynyń SVR 161 reısi Astana áýejaıyna shuǵyl qondy. Ekıpaj 50 jastaǵy jolaýshynyń ınsýltke kúdiktenýine baılanysty qonýǵa sheshim qabyldady.

Jerge sátti qonǵannan keıin, ushaq burylý kezinde ekıpajdyń qateligimen jol jıegine syrǵyp ketti.

Tokıodan kelgen ushaqtyń apatty jaǵdaıda qonýyna baılanysty Astana áýejaıy 2 saǵatqa jabyldy.

Tekserýden keıin bort qaıtadan qonýy tıis elge ushyp ketti. Barlyq jolaýshylar mejeli jerge basqa áýe kemesimen jetkizildi.

50 jastaǵy naýqas aýyr halde aýrýhananyń jansaqtaý bólimine tústi.