Astanada reıd: karantın sharalaryn buzǵandar jaýapqa tartyldy

NUR-SULTAN. QazAqparat - Elordalyq polıtsııa qyzmetkerleri karantın kezinde merekeler ótkizý jáne sanıtarlyq talaptardy saqtamaǵan nysandardyń ıelerin jaýapkershilikke tartýda, dep habarlaıdy QazAqparat tilshisi.

«Bas sanıtar dárigerdiń Nur-Sultanda qatań shekteý shalaryn engizý týraly qaýlysyna qaramastan, kóptegen azamat bul talaptardy qasaqana elemeıdi. Osyǵan oraı Nur-Sultan polıtsııasy sanıtarlyq talaptardyń saqtalýyna reıd júrgizýde. Máselen, 7 shilde kúni túngi saǵat 02.28-de Manas kóshesi boıyndaǵy azyq-túlik dúkeni jumys istep, alkogol ónimderin satqan. Atalǵan dúkenniń janynda qoǵamdyq orynda alkogol sýsynyn ishken azamat ustaldy. Atalǵan fakti boıynsha QR ÁQbK 440-baby 1-tarmaǵy boıynsha ákimshilik hattama toltyryldy», - delingen qalalyq Polıtsııa departamenti taratqan aqparatta.

Vedomstvo málimetinshe, sonymen qatar keshe túngi saǵat 02.35-te Qajymuqan kóshesindegi dámhanalardyń biriniń karantın sharalaryn buzý faktisi tirkeldi. Atalǵan dámhanada bir top jas týǵan kúndi atap ótken.

Al saǵat túngi 0.-15-te Manas kóshesiniń boıyndaǵy saýnanyń jumys istep turǵany anyqtaldy. Saýnany jalǵa berýshi 29 jastaǵy azamat ta ákimshilik jaýapkershilikke tartyldy.

«Polıtsııa qyzmetkerleri karantın kezinde sanıtarlyq-epıdemıologııalyq talaptardyń qatań saqtalý qajettigin túsindirýge baǵyttalǵan sharalardy turaqty ótkizip keledi. Osy jyldyń 5 shildesinen bastap shekteý sharalary engizilgenin eske salamyz. Osyǵan oraı Nur-Sultan qalalyq Polıtsııa departamenti azamattarǵa karantın rejımin saqtaý qajettigin eskertedi», - dep atap ótedi departamentten.