Astanada respýblıkalyq velojarys ótti
ASTANA. QazAqparat - Astanada «Jeńis kúnine» arnalǵan respýblıkalyq velojarys ótti, dep habarlaıdy QazAqparat.
Qala ákimdiginiń málimdeýinshe, Astana qalasynyń velosporttan ashyq chempıonatyna elimizdiń barlyq óńirlerinen kelgen 100-ge jýyq sportshy qatysqan.
Tas joldaǵy respýblıkalyq velojarys Jeńis kúnine arnalǵan ashyq chempıonat sheńberinde uıymdastyryldy. Jarys joly retinde velojol tańdap alyndy.
«Shara Memleket basshysy Nursultan Nazarbaevtyń Joldaýyn iske asyrý baǵytynda ótkizilýde, - dep málim etti «Astana ormany» JShS damý jónindegi basqarýshy dırektory ıÝsýp Kelıgov. - «Elimizdiń damýy sheńberinde - adamı kapıtaldyń damýy, ulttyń básekege qabilettiligi retinde eń aldymen bilim men densaýlyq».
Jarysqa oblystardyń, Astana jáne Almaty qalalary qurama komandalarynyń myqty sportshylary, jáne Qazaqstannyń óńirlik veloklýbtarynyń 15-16 jas aralyǵyndaǵy (2001-2002 jyly týǵan) jáne odan kishi jastaǵy músheleri qatysýda.
Jigitter arasynda astanalyq Vladıslav Eıhorn (nátıjesi - 0:32:47) úzdik atansa, II oryn Nurjan Hatpın (Astana), qola qostanaılyq Denıs Býrnashovqa buıyrdy.
Jarys aıaqtalǵan soń jeńimpazdarǵa qurmet kórsetilip, «Saryarqa» velotreginde marapattaý rásimi ótti.
Sharanyń uıymdastyrýshylary: «Astana ormany» JShS-y, Astana qalalyq dene shynyqtyrý jáne sport basqarmasy, qalalyq sporttyq-buqaralyq sharalardy ótkizý jónindegi dırektsııasy, №6 balalar men jasóspirimderdiń olımpıada rezerviniń sporttyq mektebi, Qazaqstannyń velosıped sporty federatsııasy, Astana qalalyq velosport federatsııasy jáne elordalyq tabıǵı resýrstar jáne tabıǵat paıdalanýdy retteý basqarmasy.
Aıta keterligi, «Astana ormany» JShS-nyń negizgi qyzmeti - Astana qalasynyń Jasyl beldeýin kútip-baptaý jáne damytý, elorda turǵyndarynyń bos ýaqytyn uıymdastyrý, «Jol súrle jol jelisi» velojolynyń aýmaǵynda túrli sporttyq sharalar uıymdastyrý.
