Astanada respýblıkalyq kópkúndik jarys ótip jatyr
ASTANA. 24 shilde. QazAqparat - 23 shildede Astanada KSRO sport sheberi M.Ilıanovty eske alýdyń qurmetine respýblıkalyq kópkúndik jarys bastaldy,
dep habarlady elordalyq Týrızm, dene shynyqtyrý jáne sport basqarmasynan.
Dástúrli básekelerge 14 komanda qatysýda. Týrnırdiń alǵashqy kúni jas sportshylar áýejaı mańyndaǵy aınalma tas jolda 15 shaqyrymdyq jeke jarysqa qatysty. Onda 21 mın. 52 sek. nátıjesimen Iogan Shteın top jardy. Jeńimpazǵa 2 sekýnd ese jibergen Dmıtrıı Lesechko ekinshi orynǵa taban tiredi. Qos sportshy Astana komandasynyń ókilderi. Úzdik úshtiktiń qataryna ońtústikqazaqstandyq Artem Melnıkov endi.
Elordanyń resmı saıtynyń jazýynsha, jalpykomandalyq esepte ázirge, Astana-2 komandasy kósh bastap tur, Jambyl oblysy ekinshi, Ońtústik Qazaqstan oblysy úshinshi orynda.
Jarys 4 kúnge jalǵasady. Aldaǵy ýaqytta eki toptyq jáne komandalyq dodalar, krıterıým jarysy ótedi.
