Astanada Respýblıkalyq Analar keńesiniń otyrysy ótti
Aıta keteıik, atalmysh keńes Qazaqstanda úsh jyl buryn qurylǵan. Qazirgi ýaqytta olardyń fılıaldary oblystarda, aýdandarda qurylǵan.
"Analar keńesi - eleýli oqıǵa. Bul analar úshin, sonyń ishinde men úshin de mereke. Jastarmen jumys jasaǵanda men olarǵa Ana, Otan degen qasterli atty kirletpeýdi eske salyp otyramyn. Búgingi jıyn Semeı ıadrolyq polıgonynyń jabylýyna 25 jyl tolýyna arnalyp otyr", - deıdi Analar keńesiniń múshesi, Oral qalasynyń ardager-muǵalimder keńesiniń basshysy Sofıa Imanǵalıeva.
Sonymen qatar ol Qazaqstan xalqynyń beıbitshilikte ómir súrýine úlken úles qosyp otyrǵan QR Prezıdentiniń eńbegin atap ótti.
"Prezıdentimiz bizdiń jastardyń otansúıgish azamat bolyp qalyptasýyna úzdiksiz jaǵdaı jasap keledi. Barsha memleketter bizdiń respýblıkany Prezıdenttiń arqasynda tanyp otyr. Men shetelde jıi bolamyn. Ol jaqta bizdiń assambleıanyń jumysyna qyzyǵatyndar kóp. Bul teńdesi joq ınstıtýt, álemde oǵan uqsas birde-bir uıym joq. Assambleıa - bizdiń xalqymyzdyń uıytqysy", - deıdi ol.
