Astanada respýblıkalyq ákeler sleti ótedi

ASTANA. QazAqparat - 2016 jyldyń qazanynda Astana qalalyq ákimdigi «25 ıgi is» sharasy aıasynda Oqýshylar saraıynda respýblıkalyq ákeler sletin ótkizýdi josparlap otyr.

Shara Qazaqstan Respýblıkasy táýelsizdiginiń 25 jyldyǵyna arnaldy.

«Shara maqsaty otbasylyq qarym-qatynas pen rýhanı adamgershilik  dástúrlerdi qalyptastyrý men saqtaýdaǵy ákeniń rólin joǵarylatý», dep atap ótti Astana qalasy bilim basqarmasynyń baspasóz qyzmeti.

№3 balalarǵa arnalǵan mýzykalyq mektepte, №2 óner mektebinde jáne Astana qalasy tehnıkalyq shyǵarmashylyq ortalyǵynda  «Meniń daryndy ákem» baıqaýy, «Men jáne meniń ákem» vıdeorolıkter baıqaýy, «Armanymdaǵy úı»  maketter baıqaýy ótti.

9 sáýirde mektepishilik ákeler sleti 68 mektepte ótti. Oǵan  5000 bala men áke qatysty.

29 sáýirde №78 mektebinde «Atalar murasy - halyq qazynasy» qalalyq ákeler sletiniń aýdandyq kezeńi ótti. Oǵan «Esil» aýdanyndaǵy 150-den astam áke qatysty.

30 sáýirde №15 mektepte «Saryarqa» aýdanyndaǵy ákeler jıyny ótti. Sondaı-aq, №16 mektepte «Almaty» aýdanyndaǵy sletke qatysqan ákeler balalaryn jalǵyz asyrap otyrǵan ákelerdi qoldaý boıynsha qaıyrymdylyq sharasyn bastaıdy.  

14 mamyrda №59 mektep-lıtseıinde ákelerdiń qalalyq sleti ótedi.