Astanada respýblıkalyq «Jumysshy mamandyqtar qalasy» festıvali ótip jatyr
ASTANA.KAZINFORM - Astanada halyqaralyq EHRO kórme ortalyǵynda respýblıkalyq «Jumysshy mamandyqtar qalasy» festıvali ótip jatyr.
Qazaqstan Respýblıkasynyń Oqý-aǵartý mınıstrliginiń uıymdastyrýymen ótken is-shara bes kúnge sozylady, 15 aqpanǵa deıin júredi. Kirý tegin.
Festıval jumysshy mamandyqtardy damytýǵa jáne nasıhattaýǵa, bolashaq mamandar, jumys berýshiler jáne oqý oryndaryn bir arnaǵa toǵystyratyn platforma qurýǵa baǵyttalǵan. Іs-sharanyń baǵdarlamasynda ár túrli salalardy qamtıtyn kósheler usynylǵan: taý-ken isi men metallýrgııa, mashına jasaý men kólik salasy, agrarlyq sektor jáne sý resýrstary, qurylys, bolashaq mamandyqtar jáne qutqarýshylar men órt sóndirýshiler zonasy.
Festıval qonaqtaryn ár túrli is-sharalar kútýde: semınarlar, munaı jáne energetıka ónerkásibi boıynsha hakaton, mamandyqtar parady, bos jumys oryndarynyń jármeńkesi, startaptar prezentatsııasy, mashına jasaý boıynsha sheberlik saǵattary, halyqaralyq akkredıtatsııasy bar kolledjderdiń kontsertteri men trenıngteri.
Іs-sharaǵa qatysýǵa Qarmet, «Qazaqstan temir joly», Air Astana, Kazakhtelecom jáne basqa da iri kompanııalar shaqyrylǵan. Festıvalde jumys berýshiler ınjenerlik-tehnıkalyq mamandyqtardy daıarlaýdyń zamanaýı tehnologııalaryn kórsetýge erekshe nazar aýdardy. Mysaly, bilim berý mekemelerimen tyǵyz jumys isteıtin Allur avtokólik kompanııasy Qostanaı avtokólik kóligi kolledjine stýdentterge jańa jabdyqtarmen oqýǵa múmkindik bere otyryp qoldaý kórsetedi. Kórmede oqytýǵa arnalǵan stanoktardy, sondaı-aq Chevrolet Onix modeliniń qurylymyn kórsetetin bólshektelgen úlgisin kórýge bolady. Chevrolet-ten basqa, kompanııa Qazaqstanda Kia, JAC, Jetour, Hongqi jáne Skoda brendterin shyǵarady jáne satady.
«Zamanaýı ekonomıka mamandardy daıarlaýda keshendi áreket etýdi talap etedi. Bundaı mańyzdy mıssııany tek memleket qana atqarmaý kerek. Bıznes salasy da jas mamandarǵa naǵyz múmkindikter jasaı otyryp, oqý protsesine bilek sybanyp aralasýy kerek. Bul degenimiz tek qana kolledjderge tálimger bolyp barý jáne praktıkalyq bilim berýge ınvestıtsııa quıý ǵana emes, sonymen qatar qaýipsiz eńbek jaǵdaılaryn qamtamasyz etý jáne jastarǵa óz áleýetin júzege asyrýǵa múmkindik beretin áleýmettik kepildikter berý», - dep atap ótti Allur qazaqstandyq avtokólik kompanııasynyń R&D jobalarynyń jetekshisi Aıgúl Ahmetova.
«Jumysshy mamandyqtar qalasy» festıvali QR Prezıdenti 2025 jylǵa jarııalaǵan Jumysshy mamandyqtar jylynyń aıasyndaǵy mańyzdy bastama. Іs-shara kásibı bilim berýdi damytýǵa, jumysshy mamandyqtardyń bedelin kóterýge jáne jastarǵa jańa múmkindikter jolyn ashýǵa kómektesedi.