Astanada úı janýarlarynyń esebin qalaı júrgiziledi
Elordada qańǵybas janýarlardy ustap, ýaqytsha asyraýdy uıymdastyrýmen qalanyń qorshaǵan ortany qorǵaý jáne tabıǵatty paıdalaný basqarmasy aınalysady. Bul jumys olardyń sanyn retteý maqsatynda júrgiziledi.
Aýlaý jumysy torlardy, tuzaq torlaryn jáne ózge de quraldardy qoldana otyryp, gýmandy tásildermen júzege asyrylady.
Ustalǵan ıtter men mysyqtar mindetti túrde chıpteledi jáne «Tanba» úı janýarlaryn esepke alýdyń biryńǵaı derekqorynda tirkeledi, osydan keıin olar qabyldaý pýnktine jiberiledi. 2024 jyly 9000 qańǵybas janýar chıpteldi.
Qala aýmaǵyndaǵy ıtterdiń sanyn esepke alý men baqylaýdy jaqsartý úshin 2025 jyly ıtterdi tegin chıpteý jobasy iske qosyldy. Bul joba janýarlardyń naqty esebin júrgizýge múmkindik beredi, sol sııaqty olardyń sanyn baqylaýdy arttyrady jáne ákimshilik jaýapkershilikke tartý arqyly tártipke yqpal etedi.
Janýarlardy chıpteý mynandaı múmkindik beredi:
— Chıp arqyly aqparatty onlaın rejıminde sanaý; — Asyl tuqymdy úı janýaryn urlaýdyń aldyn alý, ıesiniń úı janýarlaryna quqyǵyn rastaýyn qamtamasyz etý; — Vaktsınatsııa, degelmıntızatsııa jáne zararsyzdandyrý týraly aqparat engizý.
2025 jyly kásiporyn qaraýsyz qalǵan janýarlardy esepke alý jáne chıpteý jumysy aıasynda qalanyń birneshe aýdanynda aýlalardy aralap shyqty. Aralaý barysynda ıtter tirkelip, chıpteldi, bul qańǵybas janýarlardyń sanyn nazarda ustaýdy jaqsartýǵa jáne ıeleriniń jaýapkershiligin arttyrýǵa múmkindik berdi.
Aıta ketelik depýtat úı janýarlaryn chıpteý ıeleriniń jaýapkershiligi máselesin sheshpeıtinin aıtqan edi.