Astanada Respýblıka men Abaı dańǵyldarynyń qıylysy ýaqytsha jabylady

ASTANA. KAZINFORM — Astana qalasynyń Kólik jáne jol-kólik ınfraqurylymyn damytý basqarmasy Respýblıka men Abaı dańǵyldarynyń qıylysynda jol tósemine jóndeý júrgizedi. 

Elorda ákimdiginiń málimetinshe, osyǵan baılanysty, 9-11 mamyr aralyǵynda atalǵan qıylysta qozǵalys ishinara jabylatyn bolady.

Foto: Astana ákimdigi

Júrgizýshiler men jaıaý júrginshiler qozǵalys baǵytyn aldyn ala josparlaýy jáne yqtımal ózgeristerdi eskerýi qajet. Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady. 

Aıta ketelik Astanada Alash tasjolynyń ýchaskesi ýaqytsha jabylady.