Astanada Respýblıka dańǵyly jóndeýge jabylady
ASTANA. QazAqparat – Astanada Respýblıka dańǵylynyń jol tósemine ortasha jóndeý jumystary júrgizilip jatyr, dep habarlaıdy QazAqparat «109» qyzmetine silteme jasap.
Osyǵan baılanysty 30 shilde – 20 tamyz aralyǵynda J.Táshenov kóshesinen A.Imanov kóshesine deıingi ýchaskede kólik qozǵalysy ishinara jabylady.
Buǵan deıin Turan dańǵylynda jóndeý júrip jatqanyn jazǵan bolatynbyz. Avtokólik qozǵalysyna 2-20 tamyz aralyǵynda shekteýler engiziledi.
«Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet», - delingen ákimdik habarlamasynda.
