Astanada Respýblıka dańǵyly men Jangeldın kóshesiniń qıylysy ýaqytsha jabylady
ASTANA. QazAqparat - Astanadaǵy Respýblıka dańǵyly men Álibı Jangeldın kóshesiniń qıylysynda kólik qozǵalysyna ýaqytsha shekteý qoıylady. Atalmysh jol ýchaskesinde sanıtarlyq-tehnıkalyq jumystar júrgiziletin bolady, dep habarlaıdy elorda ákimdiginiń resmı saıty.
"Jangeldın kóshesiniń Respýblıka men Saryarqa dańǵyldarynyń aralyǵynda jatqan jol ýchaskesin kúrdeli jóndeýden ótkizý" jobasyn iske asyrýdyń aıasynda sý qubyry jelilerin tazartý jumystary júrgiziledi dep josparlanýda.
«18-21 qańtar aralyǵynda atalǵan jol bóliginde kólik qozǵalysyna ishinara shekteý qoıylady. Qala kóshelerindegi joldarda keptelisterdi týdyrmaý maqsatynda elorda turǵyndary men qonaqtary óz qozǵalys baǵyttaryn aldyn ala josparlaýy qajet», - delingen kólik jáne jol-kólik ınfraqurylymyn damytý basqarmasynyń habarlamasynda.
