Astanada Respýblıka dańǵylynda jóndeý jumysy júrip jatyr
ASTANA. KAZINFORM — Astana qalasynyń Kólik jáne jol-kólik ınfraqurylymyn damytý basqarmasy Respýblıka dańǵylynda jol jamylǵysyna ortasha jóndeý jumystary júrgiziletinin málim etti, dep habarlaıdy elorda ákimdiginiń resmı saıty.
Bıyl A.Imanov kóshesinen temirjol vokzalyna deıingi ýchaskede júrgizý josparlanyp otyr.
Jumystardyń birinshi kezeńi A.Imanov kóshesinen Abaı dańǵylyna deıingi aralyqta 8-14 sáýir kúnderi bastalady dep josparlanyp otyr. Osy kezeńde avtokólik qozǵalysy ishinara jáne kezeń-kezeńimen shekteletin bolady.
Abaı dańǵylynan temirjol vokzalyna deıingi kelesi ýchaskede jumystardyń júrgizilý merzimi men engiziletin shekteýler týraly qosymsha habarlanady.
Jol qozǵalysynyń qaýipsizdigin qamtamasyz etý jáne qolaısyzdyqtardy azaıtý maqsatynda jóndeý jumystary kezeńinde ýaqytsha jol belgileri men baǵyttaýshy kórsetkishter ornatylady.
Júrgizýshiler men jaıaý júrginshilerden qozǵalys baǵyttaryn aldyn ala josparlaýy, sondaı-aq jol qozǵalysyn uıymdastyrýdaǵy múmkin bolatyn ózgeristerdi eskerýi qajet.
Osyǵan deıin Astanadaǵy 17 parkıng jeke menshikke satylatynyn jazdyq.