Astanada Respýblıka dańǵyly boıyndaǵy qıylystarda jóndeý bastalady
ASTANA. KAZINFORM — Astana qalasynyń Kólik jáne jol-kólik ınfraqurylymyn damytý basqarmasy qala turǵyndary men qonaqtaryna kólik qozǵalysynyń shektelýine baılanysty eskertý jasady.
Elordada kelesi qıylystarda ortasha jóndeý jumystary júrgiziledi:
— Respýblıka dańǵyly men A. Imanov kóshesi;
— Respýblıka dańǵyly men Kenesary kóshesi;
— Respýblıka dańǵyly men Abaı dańǵyly.
— Osyǵan baılanysty aǵymdaǵy jyldyń 19–21 sáýir aralyǵynda atalǵan ýchaskelerde qozǵalys ishinara jabylady. Júrgizýshiler men jaıaý júrginshilerden marshrýttardy aldyn ala josparlaýdy jáne qozǵalysty uıymdastyrýdaǵy yqtımal ózgeristerdi eskerýdi suraımyz, — delingen basqarma taratqan aqparatta.
Qaýipsizdikti qamtamasyz etý jáne qolaısyzdyqty azaıtý úshin ýaqytsha jol belgileri men kórsetkishter ornatylatyn bolady.
Osydan buryn elordada «Taza Qazaqstan» jalpyulttyq bastamasy aıasynda qala aýmaǵyn sanıtarlyq tazartý men abattandyrýǵa baǵyttalǵan «Taza aýla» ekologııalyq aktsııasy ótkenin jazdyq