Astanada «resmı túrde» fýtbol oınaıtyndardyń sany jyl saıyn ósýde
ASTANA. QazAqparat - Astanada resmı túrde fýtbol oınaıtyn adamdardyń sany artýda. Bul týraly baspasóz máslıhatynda elordalyq Fýtbol federatsııasynyń prezıdenti Lashyn Aımaǵambetov aıtty.
«Fýtboldyń damýyna, jalpyhalyqtyq sport bolýyna jáne elge tanylýyna jaýap beretin birinshi baspaldaq - aımaqtyq federatsııalar. Bizdiń basty mindetimiz fýtboldy árkimge qoljetimdi etý. Eger naqty sandarǵa keler bolsaq, 2013 jyly biz fýtboldan 7 jarys ótkizdik, 2014 jyly 18-ge jetkizdik, al bıyl 31 jarys ótkizýdi josparlap otyrmyz», - dep atap ótti ol. L.Aıymbetovtyń aıtýynsha, búginde fýtbol týrnırlerine qatysýǵa resmı tirkelgen elorda turǵyndarynyń sany jyl sanap artýda. «Astana halqy 800 myń desek, 2014 jyly shamamen 4 myń turǵyn fýtbol jarystaryna qatysý úshin resmı túrde tirkeldi. Bıyl fýtbolǵa resmı túrde qatysatyn astanalyqtardyń sany 5,5 myńǵa jetedi dep josparlap otyrmyz. Biz bul jerde aýlalar men áýesqoı lıgalarda oınaıtyndardy sanap otyrǵan joqpyz», - deıdi ol.
