Astanada resmı 11 myń adam jumyssyz júr

ASTANA. KAZINFORM – Elordada qansha adam jumyssyz júr? Bul saýalǵa Astana qalasy ákimdiginiń «Eńbek mobıldiligi ortalyǵy» dırektory Oljas Omar jaýap berdi.

«Qazir elordada 11 adam jumyssyz retinde tirkelgen. Onyń ishinde 2200 adamǵa qańtarda eńbekpen qamtý boıynsha ártúrli memlekettik qoldaý kórsetildi. Onyń ishinde 185 adamdy turaqty jumyspen qamtydyq», - dedi Oljas Omar Astana qalasynyń kommýnıkatsııalar qyzmeti alańynda ótken baspasóz máslıhatynda.

Sondaı-aq, ortalyq dırektory jumyssyz astanalyqtardy eńbekpen qamtýda qoldaý kórsetiletini týraly aıtty.

«Búgingi tańda Astana qalasynda 3 myńnan astam bos jumys orny bar», - deıdi spıker.

Onyń aıtýynsha, Astana qalasynyń «Mansap» ortalyǵy halyqty jumysqa ornalastyrý baǵytynda 9 baǵyt boıynsha qyzmet kórsetedi.