Astanada RES 2026 EXPO halyqaralyq kórmesiniń resmı prezentatsııasy ótti
ASTANA.KAZINFORM - Qazaqstan óńirdiń eń iri ekologııalyq kórmesiniń tujyrymdamasyn usyndy. Ol – 2026 jylǵy Ortalyq Azııa óńirlik ekologııalyq sammıtiniń (RES-2026) ortalyq bóligi.
Іs-sharany Halyqaralyq jasyl tehnologııalar jáne ınvestıtsııalyq jobalar ortalyǵy (IGTIC) jáne Qazaqstan Ekologııa jáne tabıǵı resýrstar mınıstrligi uıymdastyrady.
Kórme men sammıt ornyqty damýdyń, ekologııa men jasyl tehnologııalardyń negizgi máselelerin talqylaý úshin memlekettik organdardyń, bıznes-qaýymdastyqtyń, halyqaralyq uıymdardyń, ǵylymı jáne sarapshylar qoǵamdastyǵynyń ókilderin biriktiredi.
Tanystyrylymdy asha otyryp, QR Ekologııa jáne tabıǵı resýrstar vıtse-mınıstri M.Oshýrbaev ekologııalyq syn-qaterler úılestirilgen jáne jahandyq sheshimderdi talap etetinin atap ótti.
– Memleket basshysy birneshe ret atap ótkendeı, ekologııalyq tótenshe jaǵdaı degenimiz – úılestirilgen jaýapty talap etetin jahandyq daǵdarys. Planetamyzdy saqtap qalý úshin jáne ornyqty bolashaqty qamtamasyz etý úshin bárimiz birdeı jaýaptymyz. Sondyqtan da óńirdiń ornyqty bolashaǵynyń ortaq paıymyn qalyptastyrý maqsatynda BUU qoldaǵan Ortalyq Azııanyń 2026 jylǵy Óńirlik ekologııalyq sammıti uıymdastyryldy. Sammıt transshekaralyq sýlar, klımattyń ózgerýi jáne bıologııalyq alýantúrlilikti saqtaý máselelerin qosa alǵanda, neǵurlym ózekti ekologııalyq syn-tegeýrindermen kúresý úshin saıası erik-jigerdi, ǵylymı bilim men praktıkalyq sheshimderdi qamtýy tıis, - dedi ol.
Prezentatsııa sheńberinde qatysýshylarǵa RES 2026 EXPO tujyrymdamasy, negizgi baǵyttary, qatysý formaty, kórmeniń maqsattary men mindetteri, sondaı-aq seriktester, eksponentter men ınvestorlar úshin aýqymdy múmkindikter usynyldy. IGTIC Basqarma tóraǵasy Sáken Qalqamanov halyqaralyq qatysýshylardyń qyzyǵýshylyq tanytqanyn jáne daıyndyqtyń aýqymdy júrgizilip jatqanyn atap ótti.
– Kórme ekologııalyq ınnovatsııalardy kórsetýge, óńirdiń ekologııalyq transformatsııasyn jedeldetýge yqpal etetin tájirıbe almasý men tehnologııalardy ilgeriletýge arnalǵan halyqaralyq tuǵyrnama retinde aıqyndalady. Qazirdiń ózinde 11 myń sharshy metr aýmaq jalǵa alyndy, túrli elderdiń iri kompanııalary men elshilikteri kórmege qatysýǵa múddeli - jan-jaqty belsendilik tanytyp otyr, - dedi ol.
Іs-sharada jasyl ekonomıka salasyndaǵy halyqaralyq yntymaqtastyq jáne Ortalyq Azııanyń ekologııalyq kún tártibin ózgertýge qabiletti tehnologııalyq sheshimderdi engizý máselelerine erekshe nazar aýdaryldy. Qatysýshylar memlekettik organdarmen, bıznespen jáne halyqaralyq ınstıtýttarmen tikeleı dıalog ornatýǵa, sondaı-aq halyqaralyq arenada óz ázirlemelerin usynýǵa múmkindik aldy.
RES 2026 EXPO jobasynyń jetekshisi Shyńǵys Sher bolashaq oqıǵanyń strategııalyq mańyzdylyǵyn atap kórsetti.
– RES 2026 EXPO - bul jaı ǵana qatardaǵy oqıǵa emes, bul – bizdiń planetamyz úshin uzaq merzimdi jáne mańyzdy ózgerister jasaýǵa baǵyttalǵan qozǵalys. Yntymaqtastyq pen ınnovatsııa arqyly biz turaqty bolashaqqa ótýdi jedeldetýge umtylamyz, onda jasalǵan árbir qadam - ekologııa men bolashaq urpaqtyń qamy úshin qol jetken jeńis ispetti, - dedi Shyńǵys Sher.
Іs-sharanyń mańyzdy bóligi RES 2026 EXPO Uıymdastyrý komıtetiniń marapattaý rásimi boldy. Oǵan Smart Plastic Zone jobasynyń tabysty qatysqanyn rastaıtyn altyn ekologııalyq belgi men sertıfıkat tabys etildi. Nagrada plastıkpen turaqty jumys isteý tájirıbesi engizilip jatqanyn jáne ekologııalyq jaýapkershilikti damytýǵa eleýli úles qosylǵanyn kýálandyrady.
Altyn ekologııalyq belgi plastıkti paıdalanýdy barynsha azaıtqan, balamaly materıaldardy engizgen, plastıkalyq qaldyqtardy bólek jınaýdy jáne qaıta óńdeýge berýdi qamtamasyz etken obektilerge beriledi. Marapatty saltanatty túrde Green Urban Assotsıatsııasy keńesiniń tóraǵasy ıÝlııa ıAkýpbaeva tapsyrdy.
RES 2026 EXPO prezentatsııasy barlyq múddeli taraptar arasyndaǵy dıalogty nyǵaıtý jáne 2026 jyly ótetin aýqymdy ekologııalyq forým úshin joǵary meje qoıý arqyly halyqaralyq is-sharaǵa daıyndyqtyń mańyzdy kezeńi boldy.
Aıta keteıik, Astanada Qazaq handyǵy týraly sırek parsy derekteriniń kórmesi ashyldy.