Astanada referendýmǵa keri sanaq bastaldy: sholý dóńgeleginde arnaıy tablo ornatyldy
ASTANA. KAZINFORM — Elordada Qazaqstannyń jańa Konstıtýtsııasyn qabyldaý jónindegi respýblıkalyq referendýmǵa keri sanaq bastaldy, dep habarlaıdy qala ákimdiginiń resmı saıty.
Jańa Konstıtýtsııany qabyldaý boıynsha jalpyrespýblıkalyq referendým bıylǵy 15 naýryzda ótedi. Oǵan deıin 25 kún qaldy.
— Keri sanaq tablolary elordanyń birqatar mańyzdy nysanynda — sholý dóńgeleginde jáne Qazaqstan temir joly ulttyq kompanııasynyń ǵımaratynda ornatyldy. Ondaǵy sandar naqty ýaqyt rejıminde referendýmǵa deıin qalǵan kúnderdi kórsetip tur, — delingen habarlamada.
Eske salaıyq, buǵan deıin elordada «Ádiletti jáne Progressıvti Qazaqstannyń Halyqtyq Konstıtýtsııasy úshin!» jalpyulttyq koalıtsııasynyń qalalyq shtaby ashylǵan bolatyn. Koalıtsııa quramyna saıası partııalar men qoǵamdyq uıymdardyń ókilderi endi. Onyń aıasyndaǵy alǵashqy iri is-sharalardyń biri reformany qoldaýǵa arnalǵan live-kontsert boldy. Uıymdastyrýshylardyń málimetinshe, oǵan 10 myńnan astam adam qatysty.
Osyǵan deıin referendýmdy daıyndaý jáne ótkizý kezeńinde qandaı úgitterge tyıym salynatynyn jazǵanbyz.
