Astanada referendým kúni 39 sábı ómirge keldi
ASTANA. KAZINFORM – Elorda turǵyndary úshin respýblıkalyq referendýmǵa qatysý, sondaı-aq perzenthanalardaǵy qýanyshty oqıǵalarmen tuspa-tus keldi, dep jazdy elorda ákimdiginiń resmı saıty.
Astanada 2024 jylǵy 6 qazanda saǵat 00:00-den 15:00-ge deıin 39 náreste ómirge keldi, onyń ishinde 29-y – ul jáne 10-y – qyz
Elordanyń úsh perzenthanasynda sábıler ómir esigin ashty.
Náresteler men olardyń analary jaqsy jaǵdaıda jáne tıisti kútim kórsetilip jatyr. Referendým kúni elordanyń medıtsınalyq mekemeleri akýsherlik bólimshelerdegi áıelderge daýys berý múmkindigin uıymdastyrdy. Arnaıy saılaý ýchaskeleri tikeleı aýrýhanalarda ashyldy, bul júkti jáne bosanǵan áıelderge medıtsınalyq mekemelerden shyqpaı-aq tańdaý jasaýǵa múmkindik berdi.
Aıta keteıik, Oral qalasynda el tarıhy úshin mańyzdy kúni shańyraq kóterip, qol ustasyp daýys berýge kelgen jas-jubaılar kópshilikti súısintti.
