Astanada randorı, grepplıng jáne djıý-djıtsýdan «Qar barysy» chempıonaty ótýde
ASTANA. 9 aqpan. QazAqparat - Astanada jastar, jasóspirimder jáne balalar arasynda randorı, grepplıng jáne djıý-djıtsýdan «Qar barysy» chempıonaty ótýde.
Jarysty Qazaqstannyń djıý-djıtsý federatsııasy jáne QR Sport jáne dene shynyqtyrý isteri agenttigi uıymdastyrdy.
Bul báseke alǵash ret 10, 14 jáne 17 jasqa deıingi jas sanattary boıynsha ótip jatyr. Atalmysh dodaǵa Aqmola, Almaty, Atyraý, Qaraǵandy oblystary jáne Astana qalasy qurama komandalarynan 5 pen 17 jas aralyǵyndaǵy 160 sportshy qatysýda.
«Osynaý deńgeıdegi jarys bizdiń elde tuńǵysh ret uıymdastyrylyp otyr. Atalmysh Qazaqstan kýbogi resmı reestrge engizilgen jáne QR Sport jáne dene shynyqtyrý isteri agenttiginiń qoldaýymen ótýde», - deıdi respýblıkalyq federatsııanyń birinshi vıtse-prezıdenti, djıý-djıtsýdan bas bapker Rýslan Ábdireev.
