Astanada Ramada Plaza ǵımaratyna kimder birinshi bolyp ornalasady
ASTANA. QazAqparat - Burynǵy bes juldyzdy Ramada Plaza qonaq úıine birinshi bolyp Astanadaǵy Baıqońyr aýdanynyń polıtseıleri kóship barady, dep habarlaıdy QazAqparat.
«Bir-eki aıda Baıqońyr aýdany polıtsııasynyń aýdandyq bólimin kóshirýge tyrysamyz. Al keıinnen qalǵandary ornalasady», - dep naqtylady Májiliste QR Іshki ister mınıstri Qalmuhanbet Qasymov tilshilerdiń saýalyna jaýap bere otyryp.
Sonymen qatar ol jóndeý sharalaryna qarjy bólý protsesi birshama ýaqytqa sozylyp ketkenin atap ótti. Osy oraıda qarjynyń jalpy somasyn áli de esepteý qajettigi týyndap otyr.
«Biz bıýdjettik uıymbyz jáne jyl sońyna qaraı aqshany ıgerýimiz kerek. Qazirgi kezde qarajat óte az, sondyqtan bizde bar qarjyny jylýmen qamtamasyz etý júıesin qalpyna keltirýge baǵyttadyq», - dep qosty mınıstr.
Budan buryn habarlanǵandaı, Qalmuhanbet Qasymov Ramada Plaza qonaq úıin elordalyq polıtseılerge surap otyrǵanyn aıtqan bolatyn.
Jaqynda Ramada Plaza polıtsııanyń qaramaǵyna ótkeni belgiili boldy.
