Astanada rallı-sprıntten «Samuryq-2011» atty el birinshiligi ótedi
ANA. 4 naýryz. QazAqparat /Jasulan Amanbaıuly/ - Naýryzdyń 6-7 kúnderi Astanada qysqy rallı-sprıntten «Samuryq-2011» Qazaqstan chempıonatynyń 4-kezeńi ótedi.
Bul týraly búgin baspasóz máslıhatynda «Sport racing club» uıymynyń tóraǵasy, «Samuryq-2011» jarysynyń dırektory Denıs Aksenov málim etti.
Bul - Qazaqstannyń Avtokólik sporty federatsııasynyń uıytqy bolýymen ótetin aldaǵy jylǵy alǵashqy resmı jarys. Bunyń aldyndaǵy úsh kezeń Astana men Pavlodar qalalarynda ótti. Rallı-sprıntten bolatyn Qazaqstannyń ashyq chempıonatynyń sońǵy 100 shaqyrymdy quraıtyn aqtyq kezeńi elordadaǵy Qoıandy sý qoımasynyń arnaıy ýchaskesinde ótpek.
«Sport racing club» uıymynyń tóraǵasy, «Samuryq-2011» jarysynyń dırektory Denıs Aksenovtyń aıtýynsha, dodaǵa Pavlodar, Almaty, Qaraǵandy, Kókshetaý, Astana jáne Reseıdiń Ekaterınbor, Túmen qalalarynan jalpy sany 50-ge jýyq kásibı jáne áýesqoı ekıpaj qatyspaq.
«Bıyl tuńǵysh ret «Samuryq» rallı-sprınt jarysy eldiń klassıkalyq rallıiniń kásibı synybymen - Qazaqstan chempıonatymen biriktirilip otyr»,-deıdi D. Aksenov.
«Qashyqtyq 100 shaqyrymnyn sál asady. Jarys muz ústinde ótedi. Qatysýshylar eldiń barlyq óńirlerinen kelip otyr. Sonymen qatar sharaǵa Reseıden birneshe ekıpaj kelip jetti. Olar óte tájirıbeli sportshylar, biraq, menińshe, bizdiń jergilikti rallıshiler qonaqtarǵa óz tegeýrinderin kórsetetin bolady. Bul jeńis ádil, ádemi jáne sporttyq dostyqta ótsin dep tileımin»,-dep atap kórsetti ol.
