Astanada iri kólemde esirtki satýshylar qolǵa tústi
Astanalyq polıtseıler iri kólemde esirtki satýshylardy qolǵa túsirdi, dep habarlaıdy Kazinform Polisia.kz-ke silteme jasap.
Elordalyq polıtseıler “Qarasora – 2023” jedel-profılaktıkalyq is-sharasy barysynda iri kólemde esirtki zattaryn zańsyz satýmen aınalysqan 38, 33 jáne 30 jastaǵy Jambyl oblysynyń úsh turǵynyn anyqtady.
Esirtki qylmysyna qarsy kúres basqarmasynyń qyzmetkerleri esirtki satýshylar toby turǵan páterdi tintý barysynda esirtki ósimdik tektes sur-jasyl zaty bar lentaǵa oralǵan polıetılen paketterin tapqan.
Sarapshynyń qorytyndysyna sáıkes, tárkilengen zattar jalpy salmaǵy 5 keli, 150 gramm bolatyn gashısh ekeni rastaldy. Tergeý barysynda ustalǵandar kinásin moıyndap, Astana qalalyq PD ýaqytsha ustaý ızolıatoryna qamaldy.
Esirtki satýshylardyń biri osyǵan uqsas qylmysty jasaǵany úshin buryn da birneshe ret sottalǵany belgili bolǵan. Qazirgi tańda atalǵan fakti boıynsha QR Qylmystyq kodeksiniń 297-baby 2-bóligi boıynsha sotqa deıingi tergeý amaldary júrgizilip jatyr.
Tártip saqshylary zańǵa sáıkes, asa iri mólsherde esirtki zattardy, psıhotroptyq zattardy, sol tektesterdi ótkizý nemese ótkizý maqsatynda zańsyz óndirý, qaıta óńdeý, ıemdenip, saqtaǵany úshin 6 jyldan 12 jylǵa deıingi merzimge bas bostandyǵynan aıyrýǵa jazalanatynyn eske salady.
