Astanada Qazaq Kuresi-nen Azııa chempıonaty ótedi
ASTANA. QazAqparat - 26 tamyzda Astanada Qazaq Kuresi boıynsha Azııa chempıonaty ótedi, dep habarlaıdy QazAqparat tilshisi Halyqaralyq qazaq kúres federatsııasynyń baspasóz qyzmetine silteme jasap.
Qazaqtyń ulttyq kúresinen ótken jarystarǵa álemniń 10 elinen 50 sportshy qatysady dep kútilýde. Búgin Japonııa, Ózbekstan, Tájikstan men Mońǵolııa elderiniń sportshylary chempıonatqa qatysatyndaryn rastady. Sondaı-aq, Iran, Pákistan, Úndistan syndy elder sportshylaryn synǵa daıyndaý ústinde.
«Halyqaralyq qazaq kúresi federatsııasynyń negizgi mindeti - sportshylardy, mamandar men áýesqoılardy sporttyń atalǵan túrinen joǵary nátıjege jetý jolynda biriktirý. Sondaı-aq, qazaq kúresin tek Qazaqstanda ǵana emes, shetelge tanytý mindeti tur. Jarty jyldyń ishinde halyqaralyq chempıonat ótkizip úlgerdik. Oǵan álemniń 40 elinen sportshylar kelip qatysty. Sonymen qatar, jaqynda ǵana Batýmıde qazaq kúresinen Eýropa chempıonaty ótti. 26 tamyzda ózimizde, Astanada, uıymdastyrýdy josparlap otyrmyz», - dedi Halyqaralyq federatsııanyń bas hatshysynyń keńesshisi Ulan Rysqul.
Jarys segiz salmaq dárejesinde jáne absolıýttik salmaqtyq dárejede ótedi.
Qazaq kúresi Qazaqstanǵa asa tanymal sporttyń kóne túrleriniń biri.
