Astanada psıhologtar otbasylyq máseleler boıynsha tegin qabyldaý ótkizýde
ASTANA. 15 mamyr. QazAqparat - Astanada jańa Oqýshylar saraıynda otbasylyq tárbıe suraqtary boıynsha azamattardy qabyldaý ótip jatyr.
Elordanyń tájirıbeli psıholog mamandary men Astanadaǵy Otbasylyq tárbıe ınstıtýtynyń túlekteri búgin kúni boıy otbasylyq psıhologııa jáne pedagogıka suraqtary boıynsha tegin konsýltatsııalar ótkizedi.
Instıtýt dırektory Lıýbov Nabıtovskaıanyń jýrnalısterge bergen aqparaty boıynsha, atalmysh shara Halyqaralyq otbasy kúnine oraı «Bolashaq búginnen bastalady!» respýblıkalyq aktsııasynyń aıasynda uıymdastyrylyp otyr.
«Otbasynan artyq ne bar?» dep atalatyn keń aýqymdy shara qaladaǵy ata-analarǵa otbasyndaǵy psıhologııa jáne pedagogıka boıynsha tegin keńester alýǵa múmkindik beredi. Psıhologtardyń keńesteri qalanyń 60 oqý mekemesinde, «Qýanysh» damý ortalyǵy, medıtsınalyq-áleýmettik ońaltý ortalyǵy, «Premium staff service» jumysqa ornalasý boıynsha bıýrosy sııaqty áleýmettik mańyzy bar nysandarda ótkiziledi.
Bul 2000 januıaǵa otbasylyq tárbıeleýdegi kúrdeli kemshiliker men ótkir máselelerdi sheshýdegi durys áreketter baǵdarlamasyn tabýǵa kómektesedi.
«Ata-analar búginde bizge túrli máselelermen keledi. Negizinen olar otbasy ishindegi tulǵa aralyq qarym-qatynastar men januıadaǵy shıelenister boıynsha keńester suraıdy. Olardy qala sheshý qajet? Biz olarǵa búgin tegin keńester ótkizemiz. Menińshe olardyń kóbine bul keńester kómektesed», - deıdi L. Nabıtovskaıa.
Onyń aıtýynsha, atalmysh sharany respýblıkanyń ózge de qalalarynda ótkizý josparlanýda. Shamamen jyl sońynda osyndaı keńester birqatar aımaqtarda uıymdastyrylýy múmkin.
