Astanada psıhıatrlardyń, narkologtardyń, psıhoterapevterdiń jáne medıtsınalyq psıhologtardyń IV sezi ótedi

Bul týraly is-sharany uıymdastyryp otyrǵan QR Densaýlyq saqtaý jáne áleýmettik damý mınıstrliginiń baspasóz qyzmeti habarlady.

Sezd jumysyna QR Parlamentiniń depýtattary, múddeli memlekettik organdardyń, halyqaralyq jáne úkimettik emes uıymdardyń ókilderi, alys jáne jaqyn shet elderinen psıhıkalyq densaýlyq salasyndaǵy jetekshi ǵalymdar, UQShU Hatshylyǵynyń qyzmetkerleri, RF Esirtkini baqylaý jónindegi federaldy qyzmettiń jáne QR ІІM Nashaqorlyqpen jáne esirtki bıznesimen kúres jónindegi komıtetiniń ókilderi, UQShU múshe memleketterdiń bas narkologtary, sondaı-aq respýblıkanyń psıhıkalyq densaýlyq qyzmetiniń mamandary qatysady.

Bul is-sharany ótkizýdiń ózektiligi medıtsınalyq-sanıtarlyq alǵashqy kómek deńgeıine psıhıkalyq densaýlyq qyzmetin yqpaldastyrýmen negizdeledi, bul jalpy alǵanda qyzmet tıimdiliginiń deńgeıin, kórsetiletin qyzmetterdiń halyqqa qoljetimdiligin joǵarylatýǵa, sondaı-aq psıhıkalyq jáne minez-qulyqtyq buzýshylyqtary bar adamdardyń stıgmatızatsııasy men kemsitýshiligin tómendetýge múmkindik beredi.

Sezd baǵdarlamasynda psıhıatrııa, psıhoterapııa, narkologııa jáne balalar psıhıatrııasy boıynsha sektsııalardyń jumysy josparlanǵan. Sonymen qatar, «Narkologııadaǵy klınıkalyq psıhoterapııa: teorııasy jáne praktıkasy» sheberlik sabaqtary uıymdastyrylatyn bolady.

Sezd aıasynda Ortalyq Azııa jáne Reseı Federatsııasy respýblıkalarynda psıhıkalyq densaýlyqty damytý jónindegi DDU Eýropalyq óńirlik bıýrosynyń ekinshi jumys jınalysy, sondaı-aq Ujymdyq qaýipsizdik týraly shart uıymyna múshe memleketterdiń bas narkologtarynyń IV kezdesýi ótedi.

Sezd qorytyndysy ortalyq memlekettik jáne jergilikti atqarýshy organdardyń ózara is-qımyly kezinde oń halyqaralyq tájirıbe negizinde medıtsınalyq-sanıtarııalyq alǵashqy kómekke psıhıkalyq densaýlyq qyzmetin yqpaldastyrý, UQShU múshe memleketterinde nashaqorlyqpen aýyratyn naýqastardyń profılaktıkasy, emdeý jáne áleýmettik ońaltý ádisterin jetildirý boıynsha biryńǵaı strategııany ázirleý bolmaq.