Astanada problemaly turǵyn úıdiń qurylysy sot arqyly sheshimin tapty
ASTANA. QazAqparat - «Fenıks - Stolıchnyı» turǵyn úı-qurylysy kooperatıvine qurylysy aıaqtalmaǵan nysandy óz betimen aıaqtaýǵa berý týraly Astana qalasynyń prokýratýrasyna ótinish bildirildi.
«Joǵaryda atalǵan ótinishtiń negizinde Astana qalasynyń prokýratýrasy «Fenıks - Stolıchnyı»TQK múddesi úshin shaǵym túsirdi», - dep habarlandy elorda ákimdiginen.
Azamattyq isti qaraý nátıjesi boıynsha, 2017 jyldyń 2 naýryzynda Astana qalasynyń mamandandyrylǵan aýdanaralyq ekonomıkalyq soty Astana qalasy prokýratýrasynyń «Fenıks - Stolıchnyı» múddesi úshin jaýapkerler «Tólendi» TQK jáne «Astana Sıtı Bıld» JShS-inen 818 mln teńge kóleminde qarjy óndirip alý jáne qurylysy aıaqtalmaǵan «Stolıchnyı-2» TK jer telimderimen birge berý týraly aryz talaptaryn qanaǵattandyrý týraly sheshim shyǵardy.
Sot sheshimi kezek kúttirmeı oryndaýǵa joldandy.
Atalǵan protsedýra úleskerlerdiń buzylǵan quqyqtaryn qorǵaıdy jáne azamattarǵa turǵyn úıdiń qurylysyn óz betimen aıaqtaýǵa múmkindik beredi.
Qazirgi ýaqytta TQK atalǵan nysandy ádilet organdarynda tirkeý protsedýrasyn bastady.
Eske salsaq, sot úkimimen «Tólendi» TQK tóraǵasy A.S. Baıjumanov bir páterdi birneshe adamǵa satqany úshin 5 jylǵa shartty túrde sottaldy.
Qazirgi ýaqytta QR ІІM Tergeý departamenti 1 myńnan asa úleskerdiń ótinishimen aldaý jáne bireýdiń senimin teris maqsatta paıdalaný faktisi boıynsha A.S. Baıjumanovqa qatysty Qylmystyq kodekstiń 195-baby 4 bóliginiń 2-tarmaǵy boıynsha qylmystyq isti tergep jatyr.
Elorda aýmaǵynda «Tólendi» TQK-niń qurylysy aıaqtalmaǵan 9 nysany ornalasqan, olar: «Stolıchnyı 2» TK, «Kóktal 1, 2» TK, «Abat» TK, «150 let Abaıa» TK, «Anısa 1, 2, 3» TK.
Atalǵan nysandardaǵy úleskerlerdiń basym bóliginiń sheshimimen qurylysty óz betimen aıaqtaý úshin olardy jańadan qurylǵan turǵyn úı-qurylys kooperatıvterine berý boıynsha Astana qalasynyń prokýratýrasyna aryzdar engizý jumystary júrgizilýde.
