Astanada problemaly nysandardyń qurylysyn aıaqtaý úshin jol kartasy ázirlendi
ASTANA. QazAqparat - Turaqty baqylaýdy qajet etetin problemalyq nysandardyń sany 28-ge deıin azaıdy, dep habarlaıdy elordalyq ákimdiktiń resmı saıty.
Jyldyń basynan VAK-tyń baqylaýynda 62 problemalyq nysan bolǵan edi. Astana qalasy ákimdigi janyndaǵy Turǵyn úı qurylysyna úleskerlikpen qatysý jónindegi vedomstvoaralyq komıssııa jumysynyń qorytyndysy boıynsha (budan ári - VAK) turaqty monıtorıngti qajet etetin problemalyq nysandardyń sany 28-ge deıin azaıǵan.
Sondaı-aq, VAK-tyń aǵymdaǵy baqylaýynda burynǵydaı problemalyq bolyp sanalatyn 23 obekt qaldy. Biraq turǵyn úı qurylysy kooperatıvi jasaqtalyp, jobalaý jáne qurylys jumystary boıynsha mehanızmder ázirlenip, búgin menshik ıeleri qurylysty aıaqtaýmen aınalysýda. Sonymen birge, 23 nysannyń ony qoldanysqa berilip, jobalyq-smetalyq qujattamany qalpyna keltirý jáne obektilerdi tapsyrý sharalary qabyldandy.
Problemaly obektilerdi salý qarqynyna kedergi keltiretin negizgi faktorlar:
1. Josyqsyz qurylys kompanııalarynyń basshylyǵyna qatysty sot isteri men sot sheshimine sáıkes olardyń is-áreketterinen zardap shekti dep tanylǵan tulǵalardy anyqtaý.
2. Bastapqy ázirleýshiden «Memsaraptama» RMK-niń jobalyq-smetalyq qujattary men qorytyndylarynyń tolyq bolmaýy.
3. Tehnıkalyq jáne qarjylyq aýdıttiń bolmaýy
4. Qurylysty aıaqtaý úshin qalǵan jumys kólemin anyqtaý.
5. Obektide úshinshi tulǵalardan talap qoıýdy boldyrmaý úshin jer ýchaskesi jáne qurylysy aıaqtalmaǵan ǵımarattarmen qamtamasyz etý
6. Jasalǵan sharttar boıynsha kúdikti sharalardy oryndamaý.
Barlyq daıyndyq jumystary jyljymaıtyn múlik ınvestorlarynyń problemalaryn túpkilikti sheshý úshin kóp ýaqytty qajet etetindigin eskere otyryp, Astana qalasy ákimdigi múddeli memlekettik organdarmen birge 2020 jyldyń aıaǵyna deıin barlyq problemalyq obektilerdiń qurylysyn aıaqtaý boıynsha Jol kartasyn ázirledi.
Problemaly turǵyn úı keshenderiniń qurylysyn aıaqtaýǵa qatysty is-sharalar jospary týraly qosymsha aqparatpen ókiletti uıym - «Elorda qurylys kompanııasynyń» resmı www.elorda-kurylys.kz saıtynda tanysýǵa bolady.
