Astanada Prezıdenttiń ómiri men qyzmetine arnalǵan kórme ashyldy

  ASTANA. QazAqparat - 1 jeltoqsan QR Tuńǵysh Prezıdenti kúnine oraı Ulttyq mýzeıde «Elim dep soqqan uly júrek» atty kitap kórmesi ashyldy, dep habarlaıdy QazAqparat tilshisi.

Kitap kórmesinde Elbasy Nursultan Nazarbaevtyń  balalyq shaǵynan bastap, el basqarýdaǵy júrip ótken sara joly, sonymen qatar táýelsiz memleketimizdiń tarıhyn baıandaıtyn dúnıeler qoıylǵan.

Sharanyń maqsat- QR Prezıdentiniń dara jolynan úlgi ala otyryp jas urpaqty Otanyn, halqyn súıýge, azamattyqqa, patrıottyq sezimge tárbıeleý.

«Kórmede prezıdenttiń ǵumyrnamasynan bastap, týyp-ósken jeri, bilim alýy men qyzmet jolynyń bastaý alýynan bastap álem tanyǵan ult kóshbasshysy bolýyna deıingi sátter men ýaqytty baıandaıtyn dúnıeler qoıylǵan. Sondaı-aq, Elbasynyń álem elderiniń basshylarymen kezdesýiniń kórinisteri men halyqaralyq aıtýly sharalarda sóılegen sózderiniń jınaǵy oryn alǵan. Odan bólek, kórmeniń bir bóligin Astanaǵa arnadyq óıtkeni elordanyń ótkeni men búgini Elbasynyń atymen tyǵyz baılanysty ekenin bárimiz bilemiz», - dedi QR Ulttyq mýzeıiniń ǵylymı kitaphana jetekshisi Tolqyn Darısh.

Sondaı-aq, kórmedegi Elbasynyń ǵumyry men qyzmetinen syr shertetin N.Zenkovıchtiń «Imıa, stavshee epohoı», J.Saadanbekovtyń «Zakony lıderstva» kitaptary birinshi ret kópshilik nazaryna usynylýda.

Jeltoqsan boıy jumys isteıtin kórmege jalpy sany 200-den asa eńbekter qoıylǵan. Kitap kórmesiniń ashylýyna mýzeı qyzmetkerlerinen bólek, stýdentter, mektep oqýshylary jáne BAQ ókilderi qatysty.