Astanada Prezıdenttiń qatysýymen Úkimettiń keńeıtilgen otyrysy ótedi
ASTANA. QazAqparat - Búgin Astanada Memleket basshysy Nursultan Nazarbaevtyń tóraǵalyǵymen QR Úkimetiniń keńeıtilgen otyrysy ótedi.
«Damýshy elderdi aýqymdy jumyssyzdyq alańdatýda. Ǵylymı-tehnıkalyq progress pen tehnologııanyń damýǵa baılanysty adamdardyń kópshiligi qysqartýǵa ushyrady (...) Munyń bárin Qazaqstan eskerip, oıǵa túıip, aldyn ala sharalar qoldanýy tıis. ıAǵnı, ortaq sheshim mynaý: Qazaqstandy ındýstrııalandyrý, mundaı qıyn kezeńdegi bizdiń memlekettik ınvestıtsııalarǵa qatysty baǵdarlamalarymyz óte durys. Jumyssyzdyqtyń tómen deńgeıin saqtap turý, jańa jumys oryndaryn ashý jáne daǵdaryspen kúresten ekonomıkalyq ósýge bet alý kerek. Dál osy máseleni 9 qyrkúıekte Úkimettiń keńeıtilgen otyrysynda talqylaımyz», - dedi jýrnalısterge QHR-dyń Hanchjoý qalasynda ótken brıfıngide.
Eske salsaq, keshe QR Úkimetinde kadrlyq ózgerister boldy. Mınıstrler kabınetin basqarǵan Kárim Másimov QR Ulttyq qaýipsizdik komıtetiniń tóraǵasy qyzmetine taǵaıyndaldy. Qazaqstan Respýblıkasy Premer-Mınıstriniń mindetterin ýaqytsha atqarý Baqytjan Saǵyntaevqa júkteldi. Memleket basshysynyń Ókimimen QR UQK-niń burynǵy basshysy Vladımır Jumaqanov Qazaqstan Prezıdentiniń keńesshisi qyzmetine taǵaıyndaldy.
