Astanada Prezıdent shyrshasyna qatysqan ár balaǵa Elbasy atynan merekelik syılyqtar tabys etildi (FOTO)
ASTANA. QazAqparat - Búgin Oqýshylar saraıynda Qazaqstan Respýblıkasy Prezıdentiniń atynan uıymdastyrylatyn jańa jyldyq shyrsha ótti. Merekeniń taqyryby - «Jibek jolyndaǵy Jańa jyldyq ertegi».
Shara barysynda Memleket basshysy Nursultan Nazarbaevtyń beınequttyqtaýy kórsetildi. Elbasy balalardyń oqý men sportta qol jetkizgen jetistikterin atap ótip, olarǵa jańa shyńdardy baǵyndyrýdy tiledi.
Balalardy fılmder men mýltfılmderdiń keıipkerleri qarsy aldy. Jańa jyldyq kontserttik baǵdarlamada ertegi keıipkerleriniń qatysýymen teatrlandyrylǵan qoıylym kórsetilip, vıktorınalar men baıqaýlar ótkizildi. Qatysýshylar Shyǵys túrinde arnaıy jańa aldarqat tamashalady. Qoıylym úshin Túrkistan, Otyrar, Taraz jáne t.b. kóne qalalar stılinde dekoratsııalar jasaldy, dep habarlady astana.kz.
- Oqýshylar saraıynda ótken QR Prezıdentiniń dástúrli shyrshasyna 210 bala: 130 jetim jáne ata-anasynyń qamqorlyǵynsyz qalǵan, 30 daryndy bala jáne az qamsyzdandyrylǵan otbasylardan shyqqan balalar qatysty, deıdi. Astana qalasy Bilim basqarmasynyń basshysy r Elmıra Sýhanberdıeva.
Balalar Oqýshylar saraıynda planetarıı men ınteraktıvtik parkti aralady. Ár qatysýshyǵa Elbasynyń atynan merekelik syılyqtar jıyntyǵy berildi.
