Astanada «Prezıdent Kýbogy - 2018» halyqaralyq týrnıri bastaldy
ASTANA. QazAqparat - Elordada Astananyń 20 jyldyǵyna arnalǵan «Prezıdent Kýbogy - 2018» halyqaralyq týrnıri bastaldy, dep habarlaıdy QazAqparat tilshisi.
Prezıdent Kýbogy 1991 jyldan bastap ótkizilip keledi jáne atalǵan sporttyq shara kásibı tennısshilerdiń arasynda ótkiziletin Qazaqstandaǵy bedeldi týrnırlerdiń biri.
Prezıdenti Kýbogy týrnıriniń aıasynda 12 jasqa deıingi balalar men áýesqoı tennnısshiler arasynda «President`s Cup» týrnıri ótedi.
«Prezıdenti Kýbogy elimizdegi eń úlken jarys. Bıyl 25 elden, 270 qatysýshy kelip otyr. Elbasynyń ulttyq tennısti durys jolǵa qoıýynyń arqasynda búginde barlyq óńirde zamanaýı tennıs ortalyqtary ashylǵan. Qazirgi tańda atalmysh ortalyqtarda bolashaǵyn kásibı tennıspen baılanystyrǵan 7 myń jasóspirim jattyǵýda. Budan bólek 1500 bala tennıspen tegin aınalysý múmkindigine ıe boldy», - dedi Qazaqstan tennıs federatsııasynyń vıtse-prezıdenti Dıas Dosqaraev.
Atalǵan týrnırge Qazaqstannan Dmıtrıı Popko, Tımýr Habıbýlın, Denıs Evseev, Roman Hasanov, Gozal Aınıtdınova, Anna Danılına jáne Jibek Qulambaeva qatysady.
Sonymen qatar vıtse-prezıdent týrnırge qatysýshylardyń arasynda álemniń TOP júzdiginiń tennısshileri baryn aıta kele, qazaqstandyq tennısshi Zarına Dıastyń alǵan jaraqatyna baılanysty qatysa almaıtynyn da eskertti.
Aıta keteıik, «Prezıdent Kýbogy- 2018» halyqaralyq týrnıri Astanada 17-22 shilde aralyǵynda Ulttyq tennıs ortalyǵynda ótýde.
Týrnırdiń jalpy júlde qory 205 000 dollar.
